2017 йил 19 апрель куни соат 14-00да институтда Ўзбекистон Республикаси Фанлар Академияси академиклари билан “Устозлар таълими – ҳаёт муаллими” мавзуида маънавий – маърифий тадбир бўлиб ўтди.
Академик С.И.Искандаров “Стимусол, курцетин, гепапрот-нео оригинал препаратларининг амалий тиббиётда қўлланилиши” мавзуида ҳамда академик Т.С.Саатов “Биомембрана, молекуляр генетика, ген инженерияси фанларининг ҳозирги кун илм-фанида тутган ўрни” мазуида маърузалари билан иштирок этдилар.Тадбирда фармация ва саноат фармацияси факультетининг битирувчи босқич талабалари иштирок этишди.Академик олимларимиз талабаларни ҳозирги кунни қадрига етишга, ахборот технологияларни ўрганишга чақирдилар. Илм-фаннинг таълим ва ишлаб чиқариш билан интеграциясини кучайтириш, илмий-тадқиқот фаолиятини олиб боришда тегишли маслаҳатлар бердилар. Тадбир битирувчи курс талабаларида катта таассурот қолдирди. Тадбир ҳақида лавҳалар “Dunyo bo’ylab” телеканалининг “Турфа олам” кўрсатувида 2017 йил 23.04. сонида намойиш этилди.
