O‘zbekiston Respublikasi Prezidentining PQ-3151-son, PQ-3160-son, PQ-4307-son, PQ-3271-sonli Qarorlariga tayangan holda Toshkent farmatsevtika instituti Toshkent shahri Mirobod tumani va Yakkasaroy tumanidagi 10-ta maktab bilan hamkorlikni yo’lga qo’ydi.
Hamkorlik yo’lga q’yilgan umumta’lim maktablari faoliyatini takomillashtirish, o‘qituvchilarining kasbiy va pedagogik mahoratini yanada oshirish, o‘quvchilarning ilm-fan va kasb-hunarga bo‘lgan qiziqishlarini kuchaytirish, ularning ma’naviy-ma’rifiy bilimlari va dunyoqarishini yanada oshirish hamda institut va umumta’lim maktabi o‘rtasidagi o‘zaro hamkorlik aloqalarini mustahkamlash har tomon uchun manfaatli ekanini va bu har ikki tomonning asosiy vazifasi sifatida bajarilishi maqsadida mazkur maktablarga institut rahbar xodimlari va professor-o‘qituvchilarining tashrifi amalga oshirilib maktablardagi kamchiliklar o‘rganib chiqilmoqda.
Shuningdek mazkur maktablarga mos fakultet va kafedralar biriktirilib, institutdagi fanlar kesimida o‘qituvchilarning kasbiy mahorati va ularga metodik yordam ko‘rsatish orqali malakasini oshirish, institut professor-o‘qituvchilari va maktab o‘qituvchilari o’rtasida “Ustoz-shogird” tizimini joriy etish rejalashtirilgan.
Institut matbuot xizmati