2018-yil 7-mart kuni institutda 8-mart Xalqaro xotin-qizlar kuniga bag‘ishlangan ma’naviy-ma’rifiy tadbir bo‘lib o‘tdi. Tadbirni institut rektori, professor I.I.Alimdjanov bayram tabrigi bilan ochib, ko‘p yillar institutda samarali faoliyat yuritayotgan 21 nafar ayol professor-o‘qituvchi va ishchi xodimalarni hamda 20 nafar a’lo o‘qishi, namunali hulqi va jamoat ishlarida faol bo‘lgan talaba qizlarni faxriy yorliq va qimmatbaho sovg‘alar bilan taqdirladi. Tadbirda institutning bir guruh iqdorli, faol talabalari tomonidan tayyorlangan bayram dasturi barcha xotin-qizlar e’tiboriga havola etildi.

Bundan tashqari, O‘zbekistonda xizmat ko‘rsatgan artist Ilxom Farmonov va estrada honandasi Shoxjahon Jo‘rayevlarning kuy qo‘shiqlari  bayram dasturini ko‘tarinki ruhda o‘tishida xizmat qildi.

Hurmatli institutimizning latofatli ayol professor-o‘qituvchilari, ishchi xodimalari hamda go‘zal talaba qizlari, Sizlarni institutdagi barcha erkak professor-o‘qituvchilari, xodimlari va talaba yigitlari nomidan 8-mart Xalqaro xotin-qizlar bayrami bilan yana bir bor samimiy muborakbod etamiz.

Sizlarga mustahkam sog‘lik-salomatlik, baxt-saodat, tinchlik –xotirjamlik, faoliyatingizga ulkan muvaffaqiyatlar tilaymiz.

BAYRAMINGIZ MUBORAK BO‘LSIN AZIZ AYOLLAR!

Shavkat Mirziyoyev «8-mart – Xalqaro xotin-qizlar kuni bayrami munosabati bilan mukofotlash to‘g‘risida»gi farmonini imzoladi. Bu haqda prezident matbuot xizmati xabar berdi.

Unga ko‘ra, jamiyatimizda xotin-qizlarning o‘rni va nufuzini oshirish, ularning oilalarni mustahkamlash, yosh avlodni vatanparvarlik, istiqlol g‘oyalariga sadoqat, milliy va umuminsoniy qadriyatlarga hurmat ruhida tarbiyalash, xalqimizning ko‘p asrlik boy ma’naviy merosini asrab-avaylash, ijtimoiy-iqtisodiy islohotlarni muvaffaqiyatli amalga oshirish va aholi farovonligini yuksaltirish borasidagi ulkan xizmatlarini munosib qadrlash maqsadida yurtimizning ishlab chiqarish tarmoqlari, tadbirkorlik, ilm-fan, ta’lim-tarbiya, sog‘liqni saqlash, madaniyat, san’at va boshqa sohalarida samarali mehnat qilib kelayotgan bir guruh ayollarimiz faxriy unvonlar, orden va medallar bilan mukofotlanadi:

«O‘zbekiston Respublikasida xizmat ko‘rsatgan yoshlar murabbiysi»

Kasimaxunova Anarxan Mamasadikovna – Farg‘ona politexnika institutining «Elektr energetikasi» kafedrasi professori, Farg‘ona viloyati
Marufova Gulnora Maxmudovna – O‘zbekiston Xotin-qizlar qo‘mitasi raisining o‘rinbosari
Shaxabitdinova Shoxida Xoshimovna – Andijon davlat universitetining «O‘zbek tilshunosligi» kafedrasi professori, Andijon viloyati

«O‘zbekiston Respublikasida xizmat ko‘rsatgan jurnalist»

Uteniyazova Altingul Paluanovna – Qoraqalpog‘iston Respublikasi teleradiokompaniyasi «Qoraqalpog‘iston» telekanalining katta muharriri

«Fidokorona xizmatlari uchun» ordeni bilan

Raxmatullayeva Shafoatxon – Qo‘qon shahar musiqali drama teatri aktyori, Farg‘ona viloyati

«Mehnat shuhrati» ordeni bilan

Bobomurodova Xosiyat – O‘zbekiston Yozuvchilar uyushmasi a’zosi, shoira
Boymuradova Jumaxol Norboyevna – Zarbdor tumanidagi «Tinchlik» mahalla fuqarolar yig‘ini raisi, Jizzax viloyati
Irisbekova Kammuna Narinbayevna – «Aloqabank» aksiyadorlik tijorat banki boshqaruvi raisi
Istamqulova Mafiratxon Mamajanovna- Namangan viloyati qirg‘iz milliy madaniy markazi raisi
Qobulova Mavluda Umarjonovna – Surxondaryo viloyati hokimining o‘rinbosari – xotin-qizlar qo‘mitasi raisi
Maxmudova Dilbar Pirimkulovna – Erkin ijodkor, yozuvchi va publitsist
Otajanova Masuda Yuldashevna – Muqimiy nomidagi O‘zbekiston davlat musiqali teatri solist-vokalisti
Salimova Sharipa – O‘zbekiston Yozuvchilar uyushmasi a’zosi, shoira
Toxtayeva Guzal Kashibovna – O‘zbekiston Sog‘liqni saqlash xodimlari kasaba uyushmasining Respublika Kengashi raisi o‘rinbosari
Tulegenova Akshagul Abuyevna – Konimex tumani xalq ta’limi bo‘limi mutaxassisi, tuman qozoq milliy madaniy markazi raisi, Navoiy viloyati

II darajali «Sog‘lom avlod uchun» ordeni bilan

Nadirxanova Natalya Suratovna – Buxoro viloyati perinatal markazi direktori
Turdiyeva Matlyuba Xalimovna – Samarqand shahridagi 2-oilaviy poliklinika bosh shifokori, Samarqand viloyati

«Do‘stlik» ordeni bilan

Abdullayeva Sanam Raimovna – «Navoiy kon-metallurgiya kombinati» davlat korxonasi Markaziy kon boshqarmasining 2-gidrometallurgiya zavodi kran mashinisti, Navoiy viloyati
Abduraximova Muxayyo Raxmatullayevna – Chimboy tumanidagi «Lanextrakt» qo‘shma korxonasining tashqi iqtisodiy masalalar bo‘yicha direktori, Qoraqalpog‘iston Respublikasi
Djumayeva Mavjuda Shodmonovna – Koson tumanidagi «Ko‘zmunchog‘im» nodavlat maktabgacha ta’lim muassasasi mudiri, Qashqadaryo viloyati
Zununova Saxabat Islamovna – «Oila» ilmiy-amaliy tadqiqot markazining Sirdaryo viloyati boshqarmasi boshlig‘i
Iplina Antonina Aleksandrovna – O‘zbekiston Yozuvchilar uyushmasi a’zosi, shoira
Kadirxanova Malika Akbarovna – «Tadbirkor ayol» uyushmasining Toshkent viloyati bo‘limi raisi
Kasimova Muqaddas Zaynutdinovna – Mirzo Ulug‘bek tumanidagi Alisher Navoiy nomli mahalla fuqarolar yig‘inining xotin-qizlar bilan ishlash komissiyasi raisi, Toshkent shahri
Muxammadiyeva Xushvak – Paxtachi tumanidagi «Avangard» fermer xo‘jaligi pillachisi, Samarqand viloyati
Sadullayeva Faraxat Aminovna – Urganch shahridagi «Urganch milliy tikuvchilik» oilaviy korxonasi rahbari, Xorazm viloyati
Sattarova Farog‘at – «Oila» ilmiy-amaliy tadqiqot markazining Jizzax viloyati boshqarmasi boshlig‘i
Safarova Zamira Xaydarovna – G‘ijduvon tumanidagi «G‘ijduvon Mashhurasi» xususiy korxonasi rahbari, Buxoro viloyati
Turdikulova Shaxloxon Utkurovna – O‘zbekiston Respublikasi Fanlar akademiyasi Bioorganik kimyo instituti direktorining ilmiy ishlar bo‘yicha o‘rinbosari
Xatamova Risligoy Gofurjanovna – Erkin ijodkor, shoira
Yuldasheva Muxabat Aysaraxunovna – Qo‘rg‘ontepa tumanidagi «Kapital bella» mas’uliyati cheklangan jamiyati direktori, Andijon viloyati
Yulchieva Gulnora Dexkanovna – «Mahalla ziyosi» Respublika o‘quv-uslubiy markazi direktorining o‘rinbosari

«Shuhrat» medali bilan

Azizova Maftuna Raxmatullo qizi – «Hunarmand» uyushmasining Boysun tumani bo‘limi a’zosi, gilamdo‘z, Surxondaryo viloyati
Djalilova Mu’tabar Abidovna – Toshkent shahridagi «Muruvvat» nogiron bolalar uchun 2-internat uyi tarbiyachisi
Djurabayeva Saxiba Ergashevna – «O‘zbekiston metallurgiya kombinati» aksiyadorlik jamiyatining xalq iste’moli mollari ishlab chiqarish sexi sirlovchisi, Toshkent viloyati
Kokotova Olga Nikolayevna – Guliston shahridagi «Quvonch» maktabgacha ta’lim muassasasi tarbiyachisi, Sirdaryo viloyati
Navruzova Lola Xushmurodovna – Qarshi shahridagi «Sanam» mas’uliyati cheklangan jamiyatining tikuv sexi ustasi, Qashqadaryo viloyati
Rajabova Sara Durdievna – Hazorasp tumanidagi «Shovot» mahalla fuqarolar yig‘ini raisi, Xorazm viloyati

6.03.2018 yil  institutda  Farmatsiya  va  Sanoat  farmatsiyasi  fakultetining 2-kurs talabalariga  institut  rektori  tibbiyot fanlari doktori , professor  I.I.Alimdjanov  bilan  ochiq  muloqot  o’tkazildi. Unda farmatsevtika sohasidagi yangiliklar,  ta’lim sifatini yanada  oshirish , talabalarning  davomati,  ilmiy  faoliyatga  kengroq  jalb  etish,  yoshlarning  tartib-intizomga rioya  etishi  va  ijtimoiy  faolligini  oshirish  hususida  so’z  yuritildi. Ochiq  muloqotda   professor –o’qituvchilar  xamda  talabalarning   takliflari, fikr  va  mulohazalari  tinglandi.

Hurmatli institutimizning latofatli ayol professor-o‘qituvchilari, ishchi xodimalari hamda go‘zal talaba qizlari, Sizlarni institutdagi barcha erkak professor-o‘qituvchilari, xodimlari va talaba yigitlari nomidan 8-mart Xalqaro xotin-qizlar bayrami bilan yana bir bor samimiy muborakbod etamiz.

Sizlarga mustahkam sog‘lik-salomatlik, baxt-saodat, tinchlik –xotirjamlik, faoliyatingizga ulkan muvaffaqiyatlar tilaymiz.

O‘ZBEK ONASI

Mushtipar ham o‘zing, buyuk ham o‘zing,

Kuyinchak ham o‘zing, kuyuk ham o‘zing.

Olamga tatirlik suyuk ham o‘zing,

Payt keldi aytmoqqa, gapning xonasi,

Ey, O‘zbek onasi, O‘zbek onasi.

Seni To‘maris deb, maqtaganim bor,

Sen Temur beshigin tebratgan bedor,

Sensan Bibixonim, Nodirai zor,

Payti keldi aytmoqqa, gapning xonasi,

Ey, O‘zbek onasi, O‘zbek onasi.

Vatanni Ona deb bekor aytilmas,

 Ona buyurganda yo‘ldan qaytilmas,

Sen o‘zing Ka’bamsan, Baytul muqaddas,

Payt keldi aytmoqqa, gapning xonasi,

Ey, O‘zbek onasi, O‘zbek onasi.

Boshingdan nimalar o‘tmadi axir,

Vatandek taqdiring bo‘ldi goh taxir,

Bobur shoh bo‘lsada, qoshingda faqir,

Payt keldi aytmoqqa, gapning xonasi,

Ey, O‘zbek onasi, O‘zbek onasi.

Gohida balqiding Barchindek to‘lib,

G‘o‘zadek quriding Tursunoy bo‘lib,

Timsoling yalovda yulduzdek kulib,

Payt keldi aytmoqqa, gapning xonasi,

Ey, O‘zbek onasi, O‘zbek onasi.

Farzanding quvonsa — sen ham quvonding,

Faqat bolam deding, yashading, yonding,

Nokasi uchrasa, o‘rtanding, tonding,

Payt kedi aytmoqqa, gapning xonasi,

Ey, O‘zbek onasi, O‘zbek onasi.

Kelajak toychog‘u toyingizdadir,

Jannat ham, albatta, poyingizdadir,

Vatan-ku Siz turgan joyingizdadir,

Payt keldi, aytmoqqa, gapning xonasi,

Ey, O‘zbek onasi, O‘zbek onasi.

Sizga ta’zim qilib turibman bu payt,

Sizga baxshidadir eng shohona bayt,

Aziz elu yurtga duolaring ayt,

Payt keldi aytmoqqa, gapning xonasi,

Ey, O‘zbek onasi, O‘zbek onasi.

Abdulla Oripov

BAYRAMINGIZ BILAN TABRIKLAYMIZ AZIZ AYOLLAR!

2018-yil 14-mart kuni 1-bino 129-auditoriyada soat 10-00 da Toksikologik, organik va biologik kimyo kafedrasi professori Z.A.Yuldashevning toksikologik kimyo fanidan “Selskoxozyaystvennie yadoximikati: fosfororganicheskie, xlororganicheskie pestitsidi i proizvodnie karbaminovoy kisloti. Izolirovanie i metodi analiza” mavzusidagi ochiq ma’ruzasi bo‘lib o‘tadi.

Ma’ruzaga barcha hohlovchilar taklif qilinadi.

O‘quv bo‘limi, Toksikologik, organik va biologik kimyo kafedrasi

2018-yil 12-mart kuni soat 14⁰⁰ da institut faollar zalida Dori vositalarining sanoat texnologiyasi kafedrasi doktoranti N.B.Ilkhamovaning 15.00.01 – Dori texnologiyasi ixtisosligi bo‘yicha falsafa doktori (PhD) ilmiy darajasini olish uchun «Yallig’lanishga qarshi, antigistamin va antigelmint preparatlarning farmakotexnologik aspektlari» mavzusidagi dissertatsiya ishi bo‘yicha DSc.27.06.2017.Far.32.01 ixtisoslashgan kengash qoshidagi Ilmiy seminarda dissertatsiya muhokamasi bo‘lib o‘tadi.

                Ilmiy seminarga barcha xohlovchilar taklif etiladi.

Institutimizning tillar kafedrasida talabalarning bilim olishlari, chet tillarini o‘qitishning innovatsion texnologiyalari va kafedra faoliyati bilan tanishtiramiz. Tillar kafedrasida 21 nafar professor-o‘qituvchilar shundan 1 nafar fan  nomzodi, dotsent,  9 nafar  katta  o‘qituvchi, 11 nafar o‘qituvchi-assistent shulardan 4 nafari IELTS  sertifikatiga ega. Kafedra o‘qituvchilari tomonidan bakalavriat bosqichi talabalariga ingliz tili, rus va o‘zbek tili, lotin tili va farmatsevtik terminologiya fanlaridan, magistratura bosqichi talabalariga esa Nutq madaniyati fanidan ta’lim berib kelmoqda. Kafedrada 3 ta lingofon xonasi mavjud. Barcha fanlardan o‘quv-uslubiy majmualar tayyorlangan. Talabalarning  davomati  va  o‘zlashtirish  ko‘rsatkichlarini oshirish maqsadida tizimli ishlar yo‘lga qo‘yilmoqda. Kafedrada darslar har kuni kafedra mudiri tashrifi bilan boshlanadi. Tillar kafedrasining O‘zbekiston Jahon tillari unversiteti, O‘zbekiston Milliy Unversiteti va Nizomiy nomidagi Pedagogika unversiteti bilan imzolangan innovatsion shartnoma asosida mutaxassisligi ingliz tilida o‘qitilayotgan guruhlar uchun innovatsion integral dars o‘tish yo‘lga qo‘yilgan. Ingliz tili va rus tili fanlaridan Respublika fan olimpiadasiga eng iqtidorli talabalar saralanmoqda. Ma’lumot uchun bugun tillar kafedrasida fan olimpiadasining birinchi bosqichi o‘tkaziladi.

Toshkent  farmatsevtika  instituti  faollar  zalida  9-mart 14:00 da 8-mart Xalqaro Xotin qizlar kuniga bag’ishlangan “Ayol timsolida  Kamalakning jilosi” nomli  ko’rik tanlov bo’lib o’tdi. Tadbirni institut rektori, professor I.I.Alimjonov  kirish so’zi bilan  ochib ayollarimizni yana bir bora bayram bilan  tabriklab barcha ishtirokchilarga omad  tiladi.

Tanlovdan ko’zlangan maqsad talaba qizlarning intellektual saloxiyatini,  topqirligini, faolligini  yanada  oshirish

Ona vatanga mehr-muhabbat, kelajakka ishonch, talaba qizlar orasida orastalikni, do’stlikni tarannum etish, ustozlarga extirom, burch va ma’suliyat, oilaga tayyorlash hamda iqtidorli talaba qizlarni qo’llab quvvatlashdan iborat.  Tadbirda eng faol Farmatsiya fakultetidan Safarova Zarnigor, Rajabova Dilnoza, Asanova Dildora va Sanoat  farmatsiyasi fakultetidan Axmadjonova Gulchexra, Uzmanova Oyrozigul kabi. talaba qizlar 3 ta shart bo’yicha bella shdilar.

1-tanishtiruv  shartida  har  bir  ishtirokchi  qiz  o’z tug’ilib  o’sgan  viloyati  tarixi,  milliy   an’analari  va  qadriyatlari to’g’risida taqdimot  qildilar.

2-shart 2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar Strategiyasining ma’no mazmunini yoritish va xayotiy misollar bilan talqin etish.

3-shart saxna ko’rinishi, ma’lum muammoni yechimiga qaratilgan, tarbiyaviy axamiyatga ega bo’lgan taqdimot. Ishtirokchilar xar bir shartda o’zlarining iste’dodi, bilimi va aktyorlik maxoratini  namoyon  etdilar.

Tadbir so’ngida  “Eng ko’rkam libos sohibasi”, ”Eng zukko talaba”, ”Eng mahoratli obraz sohibasi”, ”Eng mohir notiq” va “Eng faol talaba“ nominatsiyalari  bo’yicha  institut  rahbariyati va jamoat tashkilotlari  tomonidan faxriy yorliq , esdalik sovg’alari bilan taqdirlandilar.

Hurmatli talabalar !

Toshkent farmatsevtika instituti 1-5 bosqich talabalari o‘rtasida sportning “Mini futbol”, “Voleybol”, “Stol tennisi” “Armrestling”, turlari bo‘yicha 21-mart “Navro‘z” bayramiga bag‘ishlangan sport musobaqalari 2018-yil  12-16 mart kunlari soat 15⁰⁰ da 3-bino sport majmuasi oldida bo‘lib o‘tadi.

Talabnomalar 2018-yil 10-mart kunigacha qabul qilinadi.

Talabnomalar jismoniy madaniyat va sport bo‘limi o‘qituvchilariga topshiriladi.

2016-yil 20-yanvardagi Sog‘liqni saqlash vazirligining 34-son buyrug‘i asosida “Sog‘liqni saqlash vazirligi tizimidagi barcha boshqaruv apparati, tibbiyot davolash-profilaktika hamda oliy va o‘rta maxsus ta’lim muassasalari, tashkilot, korxonalar xodim va talabalarning tibbiy deontologiyasi va madaniyati to‘g‘risida”gi NIZOM tasdiqlangan bo‘lib, unga ko‘ra:

Oliy ta’lim muasassa xodim va talabalarning muomalasi va kiyinishiga qo‘yiladigan TALABLAR

– Dunyo miqyosida qabul qilingan xizmat protokoli qoidalariga muvofiq jiddiy, ishchan va didli, ziyoli shaxs qiyofasini shakllantirish maqsadida korporativ kiyinish uslubi talablariga amal qilinadi.

– Muassasada rahbar xodimlar, pedagog, shifokor (yoki bo‘lajak pedagog, shifokor) kasbiga mos holda kiyinishlari talab etiladi. Tibbiyot xodimi o‘zini tutish san’ati hamda muloqot madaniyati va kasbdoshlar o‘rtasida va bemorlar bilan muloqotda hurmat va mehr-muruvvat ko‘rsatishlari shart. Bunda o‘qituvchi va murabbiylar talabalarga ibrat namunasini ko‘rsatishlari shart.

Jamoa a’zolarining tibbiyot ta’limi, davolash-profilaktika muassasasiga odamlar diqqatini tortadigan, tanani shaffof ko‘rsatib turadigan, shuningdek, tizzadan yuqori qismlari ochiq qoladigan hamda haddan ziyod tor kiyimda yoki e’tirof etilgan milliy-an’anaviy shakllarga zid kiyimlarda, g‘ayrioddiy soch turmaklari, ortiqcha bo‘yangan, past saviyali “ommaviy madaniyat” belgilarini o‘zida namoyish etgan holda, sport kiyimi va poyabzalida kelishi taqiqlanadi.

– Tibbiyot ta’lim va davolash-profilaktika muassasalariga orasta bo‘lib, unga monand kiyimda kelish talab etiladi. Tanaga bodiard uslubida turli suratlar chizdirish, tatuaj va pirsinglar tushirish odob-axloq qoidalariga zid hisoblanadi hamda muassasa yoki tashkilot, institutga bu holda kelish taqiqlanadi.

Oliy ta’lim muasassa xodim va talabalarning muomalasi kiyinish QOIDALARI

– Tibbiyot muasassasida faoliyat ko‘rsatayotgan va ta’lim olayotgan ayol tibbiyot xodimi va talabalariga qo‘yilgan talab:

– Xodim o‘zini tutish san’ati hamda muloqot madaniyati va kasbdoshlar o‘rtasida, bemorlar bilan muloqotda hurmat va mehr-muruvvat ko‘rsatishlari kerak.

– Ustki kiyimning turlari – bichimi ortiqcha bezaklardan xoli, klassik shakldagi kostyum, yubka, bluzka va ko‘ylakdan iborat.

– Kostyum, yubka va ko‘ylaklar qora, kulrang, ko‘k ranglardagi sidirg‘a yoki chiziqli klassik matolardan, bluzka esa, oq rangda bo‘lishi lozim. YUbkaning uzunligi tizzadan yuqori bo‘lmasligi kerak.

– Aksessuarlar (sumka, ko‘zoynak va bezaklar) ham korporativ uslubga mos holda tanlanishi, ortiqcha bezaklardan xoli bo‘lishi, zargarlik taqinchoqlari (zirak, uzuk, munchoq va boshqalar) ko‘zga yaqqol tashlanmaydigan, nozik, nafis va sipo shaklda did bilan taqilishi lozim.

– Sochlar orasta yig‘ilgan, o‘rilgan yoki turmaklangan, ortiqcha aksessuarlardan xoli bo‘lishi kerak.

– Oq xalat va shunga monand bosh kiyim toza, tekis, tizzadan pastda turishi, engi uzun (faslga qarab), klassik uslubda, chet el va turli xil firma yorliqlaridan xoli bo‘lishi lozim.

– Tibbiyot muasassasida faoliyat ko‘rsatayotgan va ta’lim olayotgan erkak tibbiyot xodimi va talabalariga qo‘yilgan talab:

– Xodim o‘zini tutish san’ati hamda muloqot madaniyati va kasbdoshlar o‘rtasida, bemorlar bilan muloqotda hurmat va mehr-muruvvat ko‘rsatishlari kerak.

– Ustki kiyimning turlari – bichimi klassik shakldagi kostyum, shim, ko‘ylak hamda galstukdan iborat.

– Kostyum va shimlar qora, kulrang, ko‘k ranglardagi sidirg‘a yoki chiziqli matolardan, ko‘ylaklar esa ochiq ranglarda (oq, kulrang, ko‘k) bo‘lishi lozim.

– Galstukning kengligi o‘rtacha, uzunligi kamargacha bo‘lib, rangi kostyum va ko‘ylakka mos tanlanishi kerak.

– Talaba yigitlar talabaga mos, ruchka, qalam, kitob, daftarlar solib yurish mumkin bo‘lgan, rangi ustki kiyimga yarashimli qora, kulrang, jigar rangdagi sumka-portfellar tutishlari lozim.

– Oq xalat va shunga monand bosh kiyim toza, tekis, tizzadan pastda turishi, engi uzun (faslga qarab), klassik uslubda, chet el va turli xil firma yorliqlaridan xoli bo‘lishi lozim.

Oliy ta’lim muasassa xodim va talabalarning kiyinishida man qilinadigan holatlar

– Ayol xodima va talaba qizlar uchun:

– Uzunligi tizzadan kalta bo‘lgan, shaffof va yaltiroq matolardan tikilgan, bichimi tor, badanga yopishib turadigan, ko‘krak, qorin, elka qismi ochiq bluzka va ko‘ylaklar kiyish;

– Bezak sifatida ma’naviy-axloqiy tarbiyaga mos kelmaydigan yozuvlar, turli reklama ma’lumotlari, davlat ramzlari, zo‘ravonlik, fahsh elementlarini targ‘ib qiluvchi rasmlar va yozuvlar aks etgan, rusum sifatida “yirtilgan”, “titilgan” va jinsi matosidan tikilgan kiyimlarda yurish;

– Muassasa hududida sport kiyimlari, kalta shim va krossovkalarda yurish (jismoniy tarbiya darslari va darsdan so‘ng talabalar turar joyi binosi, sport maydonchalari va hasharlardan tashqari);

– Hijob va boshqa diniy kiyim-boshlarda yurish;

– O‘quv anjomlarini ro‘zg‘or, bozor-o‘char uchun mo‘ljallangan paket-xaltalarda olib yurish;

– Quloq va barmoqlardan tashqari tananing turli qismlariga zirak yoki metall buyumlar taqib yurish;

– Oq xalat va kiyimlarda turli xil chet el va boshqa firma yorliqlari bo‘lishi taqiqlanadi.

– Erkak xodim va talaba yigitlar uchun:

– Bichimi tor, yaltiroq, badanga yopishib turadigan hamda ma’naviy-axloqiy tarbiyaga mos kelmaydigan yozuvlar, turli reklama ma’lumotlari, davlat ramzlari, zo‘ravonlik, fahsh elementlarini targ‘ib qiluvchi rasmlar va yozuvlar aks etgan, rusum sifatida “yirtilgan”, “titilgan” va jinsi matosidan tikilgan kiyimlarda yurish;

– Muassasa hududida sport kiyimlari, kalta shim va krossovkalarda yurish (jismoniy tarbiya darslari va darsdan so‘ng TTJ binosi, sport majmuasi va hasharlardan tashqari);

– O‘quv anjomlarini ro‘zg‘or, bozor-o‘char uchun mo‘ljallangan paket-xaltalarda olib yurish;

– Soch-soqollarni o‘stirib yurish;

– Bo‘yin taqinchoqlari yoki turli metall buyumlarini taqish yoki osib yurish;

– Oq xalat va kiyimlarda turli xil chet el va boshqa firma yorliqlari bo‘lishi taqiqlanadi.

Ijtimoiy fanlar kafedrasida Farmatsiya fakulteti kasb ta’lim yo‘nalishi 2/1 guruh talabalari Olmazor tibbiyot kollejida pedagogik amaliyot olib bormoqda. Amaliyot davomida talabalar ta’lim muassasasida olib boriladigan ta’lim-tarbiyaviy, ma’naviy-ma’rifiy ishlar mazmuni bilan tanishib, ma’sul fan o‘qituvchilarining olib borayotgan mashg‘ulotlarini tashrif buyurmoqda. Darslarni kuzatish, ularni tahlil qilish, fikr va mulohazalarini kundalik daftarda qayd etib kelinmoqda.

Kasb ta’lim yo‘nalishi talabalari To‘raeva Sadoqat va Abdug‘aniev Ozod tomonidan  joriy yil 1-mart kuni Farmakognoziya fanidan “Terpenoid saqlovchi dorivor o‘simliklar(arpabodiyon, ukrop, kashnich)” mavzusi yuzasidan 2-kurs 215-guruh bilan ochiq nazariy va amaliy mashg‘ulotlar tashkil etildi. Mashg‘ulotlar davomida “Zanjir”, “Domino”,  “Elpig‘ich”, “T-sxema”usullari qo‘llanildi. Kollej o‘quvchilari darsga qiziqish bilan faol qatnashdilar. Dars olib borgan  4-kurs talabalari o‘z oldilariga qo‘ygan ilmiy, uslubiy, tarbiyaviy maqsadlariga erishdilar. Mazkur darslar tahlilini o‘tkazgan kollej o‘qituvchilari R.O‘.Ahmedova, D.Komiljonova, M.Siddiqxodjayeva, G.Kuryazova, N.Abdurahmonova, N.Yul’barsovalar talabalarni o‘z maqsadlariga erishganliklarini e’tirof etdilar. Mazkur ishlar nazariy va amaliy birligini ta’minlashga xizmat qilmoqda. Talablarning amaliyotlari haftada bir marta o‘quv yili oxirigacha davom etadi.

Joriy yilning 26-mart – 10-aprel kunlari Amir Temur tavalludining 682 yilligiga bag‘ishlangan sportning “Voleybol” turi bo‘yicha Mirobod tumani “Oybek” mahalla fuqarolari, Toshkent farmatsevtika instituti va akademik litsey, Toshkent Davlat sharqshunoslik instituti, hamda K.Bekzod nomidagi milliy rassomlik va dizayn instituti professor – pedagoglari va talabalar o‘rtasida musobaqa bo‘lib o‘tadi. Ushbu musobaqada institutimiz professor – pedagoglari (1 ta jamoa) va talabalar (2 ta jamoa) bilan ishtirok etishlari lozim. Sport tadbirlari institutimiz xududida joylashgan Akademik litsey sport majmuasida bo‘lib o‘tadi.

Talabnomalar 17-martgacha jismoniy madaniyat va sport bo‘limi o‘qituvchisi,

Musobaqa bosh hakami: U.R.Abdumalikovga  topshirishlari shart (3-bino 12-x)

Dolchin (koritsa) issiq mamlakatlarda o‘sadigan daraxt po‘stlog‘i bo‘lib, ta’mi achchiq va hidi o‘tkir, rangi qizil bo‘lib, ovqatga xushta’m va yoqimli hid berishi uchun solinadi.

Dolchin yeyilsa, hidlansa va maydalab tuyilganini badanga bog‘lansa, badandagi quyuqlashgan moddalarni suyultiradi, tiqilmalarni ochadi, yaxshi kayfiyat bag‘ishlaydi. Tanadagi barcha ruhiy, ya’ni miya, yurak va jigar quvvatlarini, badandagi kuch-quvvatning manbai bo‘lgan quvvatlarni saqlaydi. Ko‘zni ravshan qiladi, badandagi bodlar va sovuq mizoj moddalarni tarqatib yuboradi, miyadagi zaharli rutubatlarni (ho‘llikni) quritadi, sovuq va ho‘l tumovni daf qiladi, sovuqdan bo‘lgan bosh miya dardlariga shifo bo‘ladi. Og‘iz hidlanishini yo‘q qiladi, ho‘l yo‘tal va havo etishmasligini bartaraf qiladi, achchiq balg‘am to‘planishi sababli hosil bo‘lgan ovoz bo‘g‘ilishini ochadi. O‘pka va nafas yo‘llaridagi yopishqoq rutubatlarni daf etadi va ko‘krak ichidagi a’zolarni ana shunday rutubatlardan tozalaydi, jigar tiqilmalarini ochadi, sariq suv xastaligiga shifo bo‘ladi.

Dolchinni maydalab, ezg‘ilab surmaga o‘xshatib ko‘zga tortilsa, unga quvvat bag‘ishlaydi va agar ko‘zning boshqa dardlariga qarshi ishlatilsa, yaxshi samara beradi – ko‘zni ravshan va sog‘lom qiladi. Tuyilgan dolchinni asal bilan qorib surtilsa, yuzdagi sepkilli dog‘larni daf etadi, sirkaga qorib surtilsa ham shunday ta’sir qiladi.

Dolchinni bir kunda bir marta yeyish miqdori 7 gramm.

Yurak kasalliklarida xar kuni 2 osh qoshiq asal bilan 2 choy qoshiq dolchinni aralashtirib, nonga surtib iste’mol kiling. Natijada qondagi xolesterin miqdori va yurak  xuruji xavfi kamayadi. Shu bilan birgalikda nafas olishni va yurak muskullarini yaxshilaydi. Asal va dolchinni 1/1miqdorda qabul qilayotgan katta yoshdagi odamlarning aytishicha, e’tiborlarini bir joyga jamlash va xarakatchanlik darajalari oshgan. Naxorda va taxminan soat 15:00da, 0,5 osh qoshiq asal va 1 choy qoshiq dolchinni 1 stakan qaynatilgan suvga aralashtirib ichilsa, organizmning charchog‘i ketadi va organizm o’z kuchlarini qaytadan tiklaydi.

Artritda bu kasallikdan aziyat chekayotgan odamlar, kuniga 1 osh qoshiq asal va 1 choy qoshiq dolchinni 1 piyola qaynatilgan suv bilan aralashtirib ichishlari lozim. Xattoki surunkali artritdan qiynalayotgan odamlarga xam bu shifobaxsh ichimlik yordam bera oladi.

Xolesterinni kamaytirishda 2 osh qoshiq asal, 3 choy qoshiq dolchin, 2 stakan qaynatilgan iliq suv qondagi xolesterin miqdorini ikki soat ichida 10% ga kamaytiradi. Bu aralashmani kuniga 3 maxal iste’mol kilish, xattoki surunkali kasallarga xam yordam bera oladi.

Immunitetni oshirishda xar kuni asal va dolchin qorishmasini tanavvul qilish organizmni xavfli virus va bakteriyalardan ximoya qiladi. Olimlar asal tarkibida ko’p miqdorda temir va turli xil vitaminlar borligini aniqladilar. Doimiy asal iste’mol kilish qonning oq tanachalarini (leykotsitlar) bakteriya va virusli kasalliklarga qarshi kurashish qobiliyatlarini oshiradi.

Teri infeksiyalarida 1/1 miqdorda asal va dolchin aralashmasini teringizning jaroxatlangan qismlariga surting. Bu aralashma teri ekzemasi, zamburuglari va boshqa turdagi teri infeksiyalarini davolaydi.

Xusinbuzarlardan xolos etishda 3 osh qoshiq asal va 1 choy qoshiq dolchinni aralashtirib uyqudan oldin yuzingizning muammoli joylariga surting. Ertalab uyg‘onganingizdan so’ng yuzingizni yaxshilab yuvib yuboring. Ikki xafta davomida bu muolajani bajarsangiz yuzingizdagi barcha xusinbuzarlar yo‘qolib ketadi.

Oshqozon yallig‘lanishi: Asal va dolchin oshqozondagi og‘riqni oladi, xamda oshqozondagi yaralarni davolaydi.

Shamollash: 3 osh qoshiq asal va 1 choy qoshiq dolchinni aralashtirib kuniga 3 maxal iste’mol qiling. Natijada sidagi shamollashlar, yo‘tal o‘tib ketadi va nafas yo‘llaringiz ochiladi.

Zamondosh olimlar asal va dolchinni barcha turdagi kasalliklarni hech qanday asoratlarsiz yengishda eng samarali vosita sifatida tan olishgan.

Qadimgi tabobatda bu aralashmadan yuz yillar davomida foydalanishgan. Asal shirin bo‘lsa-da, uni ma’lum miqdorda shifobaxsh vosita sifatida iste’mol qilish hatto qandli diabetga chalingan bemorlarga ham zarar keltirmaydi.

Peshob xaltachasi yallig‘lansa 2 osh qoshiq dolchin va 1 osh qoshiq asalni 1 stakan iliq suvga aralashtirib ichish lozim. Bu peshob xaltasidagi mikroblarni o‘ldiradi.

Og‘izdan hid kelishi – ertalab uyqudan uyg‘onganda birinchi qiladigan ish-kun bo‘yi og‘zidan yoqimli ifor taralishi uchun tomog‘ini asal va dolchin qo‘shilgan suvda chayish.

Dam yig‘ilishi Hindiston va Yaponiya olimlari tadqiqotlari natijasiga ko‘ra, asal va dolchin aralashmasi qorinda dam yig‘ilishining oldini oladi.

Eshitish qobiliyati yo‘qolsa xar kuni ertalab va kechki payt asal hamda dolchinni teng miqdorda iste’mol qilish kerak.

Shamollashdan aziyat chekayotganlar 1 osh qoshiq ilitilgan asalga 1/4 choy qoshiq dolchin qo‘shib, kuniga 3 mahal iste’mol qilishlari lozim.

Bu usuldagi muolaja hatto surunkali yo‘tal, shamollashni ham davolaydi va burunni tiqilmalardan tozalaydi.

Me’daning sustligi (ovqatni hazm qila olmaslik) 2 osh qoshiq asalga aralashtirilgan dolchin pudrasini ovqatdan oldin iste’mol qilish oshqozonda kislota miqdorini pasaytiradi va og‘ir taomlarni hazm qilishda yordam beradi.

Uzoq umr ko‘ray desangiz muntazam ravishda asal va dolchin qo‘shilgan choy iching. U qarish jarayonini sekinlashtiradi. Choyni tayyorlash uchun 1 qoshiq dolchin ustiga 3 stakan qaynoq suv quyib damlanadi va sovigach, 4 qoshiq asal aralashtiriladi. Kuniga 3-4 mahal 1/4 chashkadan ichiladi. Ushbu choy terini tetik va yumshoq saqlab, qarishdan asraydi.

TAYYORLADI:

Farmakognoziya kafedrasi dotsenti

Xodjayeva Muattar Asadullayevna

Yuragida  g‘ubor, ko‘nglida gard yo‘q insonning og‘ir dardi ham bo‘lmaydi. O‘z ko‘ngil uyini ozoda, pok, toza saqlay olgan odamning hayoti ham ana shunday go‘zal o‘tadi. Zero qalb munavvarligi oydin hayot, obod turmush, ozoda uy bilan chambarchas bog‘liq…

Xalqimiz azal-azaldan tozalikni qadrlab, poklikni aziz tutib yashaydi. O‘z hovlisini chinnidek saqlab, ko‘chasiga e’tibor bilan qaraydi. Mahallasining har burchagiga gul ekib, yurtini obod makonga aylantirish umidi bilan yashayotgan odamlar ham bizning xalqimizdir. Yuragi toza insonlarning niyati hamisha ijobatdir. Tozalik bor joyda fayz-barokot bo‘lishligini ota-bobolarimiz ko‘p bora ta’kidlaganlar. Mana shu niyatda ta’lim muassasalalarida tahsil olayotgan yoshlarni tarbiyalash, o‘z ta’lim muassassiga mehr qo‘yishlari, har bir qarichini ko‘z qorachig‘idek asrashlari, toza va ozoda saqlashlariga erishish yo‘lida pedagog-xodimlar targ‘ibot ishlarini olib borishmoqda. Bu kabi targ‘ibot ishlari natijasida talabalar o‘rtasida ozodalilik, poklik singari tuyg‘ularning shakllanishiga erishildi. Jumladan, 2018-yil 10-mart kuni Toshkent farmatsevtika instituti talabalar turar joyida yashovchi talabalar o‘rtasida “Ozodalik ostonadan boshlanar” shiori ostida tozalik ishlari olib borildi. Tadbir jarayonida talabalar turar joyining barcha xonalari va hududlarida tozalash hamda obodonlashtirish, ko‘kalamzorlashtirish ishlari olib borildi. Tozalash ishlariga barcha talabalar jalb etildi. Shuningdek, tozalash ishlarida Talabalar turar joyi mutasaddisi B.A.Abduraxmonov, Talabalar turar joyi kengashi raisi Farruh Nomozov, O‘zbekiston yoshlar ittifoqi institut BT yetakchilari faol ishtirok etib, talabalar o‘rtasida ozodalik, saramjon-sarishtalilik singari xalqimiz qon-qoniga singib ulgurgan ana’analarimiz ruhida tarbiyalashga alohida e’tibor qaratildi. Hamda talabalar o‘rtasida o‘zgalar mehnatini qadrlash, ardoqlash singari fazilatlarni kamol toptirishga poydevor bo‘la oldi.

Shu o‘rinda qalbingiz toza tuyg‘ular bilan munavvar bo‘lsin, dilingizga g‘ubor qo‘nmasin, umringiz eng yorug‘ nurlardan ziyolansin degimiz keldi. Shu aziz Vatan koriga yarash, shu muqqadas xalqqa xizmat qilish, pokdomon odamlarning olqishiga erishmoqlik hammamizga nasib etsin.

Nigora ASHUROVA

Ma’naviyat va ma’rifat

bo‘limi uslubchisi

Institut veb-saytiga va OAVsiga taqdim etiladi.

Ma’lumki, tabiat in’om etgan jamiki  ne’matlar aziz va qadrlidir. Tabiat yaratgan barcha go‘zallik oldida inson lol qoladi. Bu ne’matlarni qadrlash, e’zozlash, borini asrash insonga bog‘liqligini juda yaxshi anglaymiz. O‘zbekiston hududida barcha dorivor o‘simliklar inson salomatligini tiklash yo‘lida xizmat qiladi. Bu kabi dorivor o‘simliklar biz yashayotgan hududda juda ko‘p sonni tashkil etishi ayni haqiqat.

Toshkent farmatsevtika institutida dorivor o‘simliklarni chuqur o‘rganish, ularning dorivor xususiyatlarni aniqlash borasida bir qancha ilmiy izlanishlar olib boriladi. shuningdek, institut farmakognoziya kafedrasi professor-o‘qituvchilari tomonidan mazkur masalalarda talabalarga ta’lim berib kelinadi. Hamda aholi turmush tarzini yaxshilash, shuningdek, aholi tibbiy madaniyatini yaxshilash borasida institut professor-o‘qituvchilar tomonidan bir qator amaliy ishlar olib borilmoqda. Bu kabi targ‘ibot ishlari nafaqat mahallalarda, ta’lim muassasalalarda balki OAVlarida ham keng joriy etilgan. Jumladan, joriy yilning fevral oyi davomida farmagognoziya kafedrasi dotsenti Xodjaeva Muattar Asadullaevna ishtirokida O‘zbekiston teleradiokampaniyasi “O‘zbekiston” kanalining “Oydin hayot” teleko‘rsatuvida “Shifobaxsh zirovarlar” mavzusida targ‘ibot ishlari olib borildi. Olib borilgan suhbat jarayonida institut dotsenti, M.A.Xodjayeva, zira, murch, dolchin, zarcho‘va, qalampir, zanjabil va boshqa bir qator zirovor giyohlarning inson salomatligiga ta’sirlari xususida qiziqarli ma’lumotlarni berib o‘tdi. Olib borilgan suhbat  2018-yil 13 – va 22-fevral kunlari   O‘zbekiston teleradiokampaniyasi “O‘zbekiston” kanalining “Oydin hayot” teleko‘rsatuvida efirga uzatildi.

2018–yilning 5–mart kuni Ijtimoiy fanlar kafedrasida Ta’lim sifatini oshirish bo‘yicha kafedra seminar yig‘ilishi o‘tkazildi. Kafedra mudiri dotsent K.K.Ismailov, professor X.M.Mamedov ma’ruza va amaliy mashg‘ulotlarni to‘g‘ri tashkil qilish, yangi pedagogik texnologiyalardan foydalanish, axborot texnologiyalarni qo‘llash haqida fikr-mulohazalar berdilar. Dars jarayoniga ta’luqli bo‘lgan ishchi dastur, o‘quv-uslubiy majmua, taqvimiy reja o‘qituvchining xar bir darsida o‘zida bo‘lishi kerakligi alohida ta’kidlab o‘tildi. Tadbir institutimizning 24-xonasida o`tkazildi.

2018-yil 7-mart soat 11²⁰ da ijtimoiy fanlar kafedra yig‘ilishida kafedra mudiri K.K.Ismailov va boshqalar 8-mart Xotin qizlar bayrami bilan kafedra ayollarini qutladi va sovg‘a ulashdi.

Navro’z bayramiga tayyorgarlik ko’rish hamda yangilanish faslida yurtimizning barcha shahar va qishloqlarida obodonlashtirish, ko’kalamzorlashtirish ishlari olib borilmoqda. Jumladan, 11-mart kuni institutimizda ham obodonlashtirish ishlari olib borilmoqda.

Institut hududida quyidagi ishlar amalga oshirildi:

-institut hovlisi supirilib, hazon va chiqindilardan tozalandi;

-yerlar chopildi;

-daraxtlarga shakl berildi;

-institut tashqi hovlisiga gullar ekildi.

O’quv binolarida va Talabalar turar joyida hafta davomida tozalash ishlari bajarilmoqda. Hasharda Farmatsiya va Sanoat farmatsiyasi fakulteti dekanlari boshchiligida 1-kurs talabalari, hamda O’zbekiston yoshlar ittifoqi tomonidan moddiy qo’llab quvvatlashga davogar talabalar ishtirok etdilar.

Mavzuning maqsadi: Berilgan tarkib bo‘yicha suspenzion  surtma tayyorlashni bilish va sifatini baxolashni o‘rganish.

Mavzuning ahamiyati. Surtmalar tayyorlashda zarur bo‘ladigan me’yoriy xujjatlar bilan tanishish va ulardan foydalana bilish,  ishlatilayotgan dori moddalar eruvchanligiga va dorixatda yozilgan miqdoriga qarab surtma dori turini tayyorlash texnologiyasini tanlay bilish va asoslash, xamda tayyorlangan suspenzion surtmalarni sifatini baxolashni o‘rganish katta axamiyatga ega.

REJA:

O‘qituvchining kirish  so‘zi -10 min.

Talabalarni bilimini tekshirish-30min.

O‘qituvchining talabalar bergan javoblariga ko‘ra yakunlovchi tushuntirish-10 min.

Amaliy ishni bajarish-70 min.

Kundalik daftarlarni tekshirish-20 min.

Bajarilgan ishni qabul qilish-20min.

Jami: 160min.

Laboratoriya mashg‘ulotini “ Loyixa” “Aqliy xujum” usulida o‘tkazish

tavsiya etiladi

“Loyiha” usulini o‘tkazish uchun talabalar 5 ta kichik guruhga bo‘linadi va har bir kichik guruh “Loyiha” usuli topshirig‘ini tarqatadi.

Pedagogik texnologiya “Loyiha”

1 guruh

Yumshoq dori turlari, ta’rifi, tasnifi, afzalliklari, kamchiliklari.

Pedagogik texnologiya “Loyiha”

2 guruh

Suspenzion surtmalarni boshqa turdagi surtmalardan

farqi va o‘ziga xos tomonlari

Pedagogik texnologiya “Loyiha”

3 guruh

Tarkibida 5%dan kam dori modda saqlagan suspenzion surtma dorilarni tayyorlash texnologiyasi

Pedagogik texnologiya “Loyiha”

4 guruh

Tarkibida 5%dan 25%gacha dori modda saqlagan suspenzion surtma dorilarni tayyorlash texnologiyasi

Pedagogik texnologiya “Loyiha”

5 guruh

Surtmalarni sifatini baholash

Uslubiy ko‘rsatma

Bu guruh surtmalar dori moddasini surtma asosida bir xilda ezish yo‘li bilan tayyorlanadi. Shuning uchun boshqa­cha nomi trituratsion surtma (lot. trituratio — ezib ishkalash) ni bildiradi. Suspenziyali surtmalarda qattiq faza disperslik darajasi qancha yuqori bo‘lsa, ya’ni dori moddasining yuzasi qancha katta bo‘lsa, davolash samarasi shuncha ortadi. Dorixona sharoitida suspenzion surtmani tekshirish organoleptik usulda olib boriladi. Surtmani kaft orasida ishkalaganimizda yirik bo‘lakchalar bo‘lmasligi kerak. Agar surtma tarkibidagi dori bo‘lakchalari 50 mkm gacha kattalikda bo‘lsa, unda surtmani teriga surtgan vaqtimizda terini kitiklaydi, ba’zi hollarda terini jaroxatlashi ham mumkin. Bunday surtmalarni yallig‘langan va shillik qavatlarga surtish yaramaydi.

Xuddi ichiladigan suspenziyalarni tayyorlaganimizdek qattiq fazani ezib maydalash suyuqlik ishtirokida olib borilishi kerak, shunda qattiq faza tez maydalanadigan bo‘lib qoladi. Bunday vaqtda biz suyuqlikni tanlay ola bilishimiz kerak. Qovushqoq suyuqliklar bu maqsad uchun yaroksizdir. Qattiq fazani disperslashda kam miqdorda o‘simlik yoki mineral moyidan yoki suyultirilgan asosdan foydalanishimiz kerak bo‘ladi. Kerakli variantni tanlash qattiq fazaning miqdoriga bog‘liq bo‘ladi.

Agar dori modda surtma tarkibiga kam miqdorda (5% gacha) bo‘lsa, ezish bodom, shaftoli, kungabokar moyi ishtirokida (agar surtma xayvon yog‘ida tayyorlansa) yoki vazelin moyida (agar vazelinda) olib boriladi, so‘ngra hosil bo‘lgan mayin suspenziyaga dorixatda berilgan miqdorgacha asos qo‘shib aralashtiriladi. Agar surtma tarkibida dori modda ko‘p miqdorda (5%-25%gacha) bo‘lsa, kerakli miqdorda suyultirilgan asos bilan eziladi. So‘ngra qolgan asos qo‘shib aralashtiriladi. Aralashtirish paytida bir necha bor hovoncha devorlaridan massa tushirilib turiladi. Surtma suspenziyasining tarkibida dori moddalar 25% dan ortsa, pastalar deyiladi. Yuqori dispers va bir xil taksimlangan pasta tayyorlash uchun dori moddasini eritilgan asos bilan ezib ishkalanadi. Pastalar trituratsion surtmalarga nisbatan quyuqrok bo‘ladi. Magistral suspenzion surtmalar turli-tumanligi bilan ajralib turadi. Bunga misollar keltiramiz:

                Rp.:Furacilini 0,1

                       Lanolini 20,0

                       Vaselini 30,0

                       M.f.ung

                       D.S. Antiseptik surtma.

 Furatsillinni 3-4 tomchi vazelin moyi bilan ezib, so‘ngra ilik vazelin va lanolin korishmasini qo‘shib aralashtiriladi.

              Rp.:Resorcini 0,6

                     Acidi salicylici 1,0

                     Sulfuris precipitatae 2,0

                     Cerae flavae 4,0

                     Ol. Ricini ad 20,0

                     D.S. Ceboreyada qo‘llaniladi

Bu uch fazali suspenzion surtma bo‘lib, mum-moyli asosda tayyorlanadi. Kukunsimon dori moddasi 9% atrofini tashkil qiladi. Avval salitsil kislota mum, kanakunjut moyi aralashmasida eritib olinadi. So‘ngra kukunlar aralashmasini 5-6 geritma bilan eziladi va qolgan eritma qo‘shiladi.

Mum saqlangan surtmalar vazelin asosiga nisbatan perspiratsiyani osonlashtiradi.

“Loyiha” usulidan keyin talabalarga “Aqliy hujum” usuli savollari beriladi.

“Aqliy xujum” pedagogik texnologiya usulida talabalar bilimini aniqlash uchun savollar

1.Yumshoq dori turlarini ayting.

2.Surtmalar deb qanday dori turlariga aytiladi?

3.Surtmalar qanday tavsiflanadi?

4.Surtmalar asos tipi bo‘yicha qanday tasniflanadi?

5.Dispers sistemalar bo‘yicha surtmalar qanday guruhlanadi?

6.Suspenzion surtma nima?

7.Trituratsion surtma deganda nimani tushunasiz?

8.Dorixonada suspenzion surtma qanday tekshiriladi?

9.Organoleptik tekshiruv qanday amalga oshiriladi?

10.Qattiq fazani disperslashda nimalardan foydalaniladi?

11.Surtmalar qanday  qadoqlanadi  va jixozlanadi?

12.Suspenzion surtma sifati qanday baholanadi?

Vaziyatli masalalar

      Oling: Simob amidoxloriddan 0,5

                  Vazelindan 20,0

                  Aralashtiringsurtmahosilbo‘lsin

                  Bering. Belgilang: qo‘lgasurtishuchun

Ushbu dorixatdagi surtmani talaba quyidagi texnologiya bo‘yicha tayyorladi. U to‘g‘ri tayyorladimi?

Texnologiyasi:

20,0 g vazelin suv hammomida eritiladi. Hovonchaga0,5 g simob amidoxlorid tortib olinadi va taxminan 0,25 g eritilgan vazelin bilan eziladi toki bir xil bo‘tqasimon massa hosil bo‘lguncha. So‘ng qolgan vazelin 3-4 ga bo‘linib aralashtiriladi. Surtma qadoqlanadi va “Salqin joyda saqlansin”, “Sirtga ishlatish uchun” yorliqlar bilan jihozlanadi.

Echimi: Avvalo bu dorixatga pasport tuziladi. Unda suvda hamda vazelinda erimaydigan simob amidoxlorid 2,4% tashkil etishi aniqlanadi. Bumiqdor 5% kam  bo‘lgani uchun simob amidoxloridni  maydalik darajasini oshirish maqsadida uning yarimiga teng miqdorda yordamchi suyuqlik ishlatish maqsadga muvofiqdir. Demak, 0,2 – 0,25 g (10-12 tomchi) vazelin moyi bilan eziladi. Toki bo‘tqasimon massa hosil bo‘lguncha. So‘ng suv hammomida eritilgan vazelin 2-3 ga bo‘linib qo‘shiladi va bir xil aralashma hosil qilinadi. Surtma qadoqlanadi va “Salqin joyda saqlansin”, “Sirtga ishlatish uchun” yorliqlar bilan jihozlanadi.

      Oling:  Anestezindan 5,0

                   Rux oksiddan 20,0

                   Kraxmaldan 20,0

                   Vazelindan 100,0

                  Aralashtiring surtma hosil bo‘lsin.

                   Bering.Belgilang: yaralangan joyga

                   surtish uchun.

Ushbu dorixatdagi surtmani talaba quyidagi texnologiya bo‘yicha tayyorladi. U to‘g‘ri tayyorladimi?

Texnologiyasi:

Hovonchaga birinchi bo‘lib 20,0 g kraxmal solib maydalanadi. So‘ng 5,0g anestezin va 20,0 g rux oksididan tortib olib kraxmalga qo‘shib maydalanadi. So‘ngra 25 g vazelin moyi yordamida yaxshilab eziladi. Bo‘tqasimon massa hosil bo‘lgandan keyin suv hammomida eritilgan 100,0 g vazelin solib bir xil aralashma hosil qilinadi. Surtma qadoqlanadi va “Salqin joyda saqlansin”, “Sirtga ishlatish uchun” yorliqlar bilan jihozlanadi.

      Oling:Rezorsindan 0,4

                 Vazelindan 10,0 gacha

                 Aralashtiring surtma hosil bo‘lsin.

                 Bering. Belgilang: teriga surtish uchun.

Ushbu dorixatdagi surtmani talaba quyidagi texnologiya bo‘yicha tayyorladi. U to‘g‘ri tayyorladimi?

Texnologiyasi:

Tortib olingan 0,4 g rezorsinni 0,2 ml tozalangan suvda eritib, so‘ng 9,6 g vazelinni suv hammomida eritib olinadi va rezorsin eritmasiga qo‘shib toki bir xil aralashma hosil bo‘lguncha aralashtiriladi. Tayyorlangan surtma qadoqlanadi va “Salqin joyda saqlansin”, “Sirtga ishlatish uchun” yorliqlar bilan jihozlanadi.

1 -variant

1.Surtma dori  shakliga  to‘g‘ri  ta’rif keltirilgan qatorni toping.

A)bir yoki bir necha dori moddalarni moy yoki moysimon moddalar bilan aralashtirib tayyorlangan yumshok dori shaklidir.

B)quyuq suyuqlik bo‘lib, sirtga qo‘llash uchun belgilangan va teri haroratida eriydigan dori shaklidir.

S)bir-birida juda kam yoki mutlako erimaydigan suyuqliklarni maxsus ishlash yo‘li bilan olingan dori shaklidir.

D)disperrs sistema bo‘lib, tarkibiga ko‘ra dispersion muhit va dispers fazadan iborat dori shaklidir.

2.Agar retseptda surtma dorilarnikonsentratsiyasi ko‘rsatilmagan bo‘lsa, u holda necha foizli kilib tayyorlab beriladi?A)15 %

B)1 %

S)10 %

D)20 %

3.Asoslarning xususiyatiga ko‘ra qanday  tayyorlanadigan surtma dorilar bor?

A)A, B, V javoblar to‘g‘ri.

B)gidrofob asoslarda tayyorlanadigan surtma dorilar;

S)gidrofil tipidagi asoslarda  tayyorlanadigan surtma dorilar;

D)emulsiya asoslarda tayyorlanadigan surtma dorilar;

4.Dispers sistemasining xususiyatiga ko‘ra surtma dorilar qanday guruhlarga bo‘linadi

A)eritma tipidagi surtma dorilar;

B)gomogen va geterogen

S)emulsiya tipidagi surtma dorilar;

D)aralash tipdagi surtma dorilar.

5.Surtma dorilar nimalarga ko‘ra tasniflanadi-

A)hammasi to‘g‘ri

B)tarkibi va konsistensiyasi bo‘yicha

S)dispers sistemasining xususiyatiga ko‘ra

D)ta’sir ko‘lami bo‘yicha

6.Dispers sistemasining xili bo‘yicha surtma dorilar

A)gomogen va geterogen bo‘ladi

B)kovushkok va suyuq bo‘ladi

S)Ko‘p tarkibli va bir xil tarkibli bo‘ladi

D)ko‘z uchun, rektal va burun uchun bo‘ladi

7.Gomogen surtmalarni qanday tiplari bor?

A)osilma, ekstraksiya, aralash;

B)kotishma, osilma,aralash;

S)ekstraksion, osilma, emulsion;

D)kotishma, eritma, ekstraksion;

8.Oling: Kamforadan 0,2

                Mentoldan 0,1

               Suvsiz lanolindan 5,0

               Vazelindan 5,0

               Aralashtiring. Bering. Belgilang.

Keltirilgan dorixat bo‘yicha umumiy og‘irlik nechaga teng?

A)10,5

B)10,3

S)13,0

D)11,3

2-variant

1.Surtma dori shakli tayyorlashda ishlatiladigan asoslarga qo‘yilgan

A)Hamma javoblar to‘g‘ri.

B)Qo‘llash maksadiga muvofikligi va yumshok konsistensiyasi.

S)Biologik bezararligi va mikroblarga qarshi turg‘unligi.

D)Fizikaviy va kimyoviy turg‘unligi va neytral muhiti. Surtilgan joyidan engil  artilishi

2. Eritma tipidagi gomogen surtmani quyida keltirilgan qaysi moddalardan tayyorlash mumkin ?

A)vismut nitrat asosligi, dermatol, kalsiy karbonat

B)anestezin, kamfora, benzoy kislotasi, mentol, timol, fenol.

S)sulfatsil natriy, dikain, dimedrol, kamfora

D)kollargol, natriy tiosulfat, novokain, protargol.

3.Kotishma tipidagi gomogan surtmani quyida keltirilgan qaysi moddalardan tayyorlash mumkin ?

A)sulfatsil natriy, dikain, dimedrol, kamfora.

B)vismut nitrat asosligi, dermatol, kalsiy karbonat.

S)anestezin, kamfora, benzoy kislotasi, mentol, timol, fenol.

D0mum,  spermatset,  azokerit, parafin, lanolin, serezin.

4. Quyida keltirilgan tarkibli surtma dori surtmalarning qaysi tipiga mansub

Oling: Mumdan – 5,0

            Spermatsetdan – 10,0

            Shaftolimoyidan – 35,0

            Aralashtiring. Bering. Belgilang.

A)geterogen-osilma

B)gomogen-kotishma

S)geterogen-emulsion

D)gomogen- aralash

5.Quyida keltirilgan tarkibli surtma dori surtmalarning qaysi tipiga mansub

Oling: Kamforadan 2,0

           Vazelindan 6,0

           Suvsiz lanolindan 4,0

           Aralashtiring. Bering. Belgilang.

A)geterogen-osilma

B)geterogen-emulsion

S)gomogen-eritma

D)gomogen-aralash

6. Oling: Kamfora surtmasidan 10,0

Bering.Belgilang. Oyokka  surtish uchun.

Keltirilgan dorixatni tarkibini to‘g‘ri ko‘rsating

A)Kamfora 3,0; vazelin – 5,0; suvsiz lanolin -2,0

B)Kamfora 1,0; vazelin – 6,0; suvsiz lanolin -3,0

S)Kamfora 2,0; vazelin – 4,0; suvsiz lanolin -4,0

D)Kamfora 6,0; vazelin – 3,0; suvsiz lanolin -3,0

7. Oling: Kanakunjutmoyidan

               SHaftoli moyidan teng mikdorda 25,0

               Mumdan 15,0

              Lanolindan 10,0

              Aralashtiring. Bering. Belgilang.

Keltirilgan dorixat bo‘yicha moddalarni eritish ketma ketligini to‘g‘ri ko‘rsating.

A)SHaftoli moyi, kanakunjutmoyi, mum, lanolin.

B)Lanolin, kanakunjut moyi, shaftoli moyi, mum.

S)Mum, lanolin, kanakunjut moyi, shaftoli moyi.

D)Mum, shaftoli moyi, kanakunjut moyi, lanolin.

8.Dispers sistemasining  xususiyatiga  ko‘ra surtma dorilar qanday guruhlarga bo‘linadi

A)eritma tipidagi surtma dorilar;

B)gomogen va geterogen

S)emulsiya tipidagisurtma dorilar;

D)aralash tipdagi surtma dorilar.

2018-yilning 9-mart kuni Tillar kafedrasi rus tili fanidan respublika fan Olimpiadasining 1-bosqichiga start berdi. Olimpiada rus tiliga iqtidori yuqori bo‘lgan talabalarni o‘ziga jalb etdi. 14 nafar talaba fan Olimpiadasida ishtirok etish hoxishini bildirdi. Shulardan 10 nafar iqtidorli talabalar a’zolar tomonidan taklif etildilar. Olimpiadaning birinchi kunida ishtirokchilar 3ta shart bo‘yicha bellashishdi.

1-shart. Tasviriy san’at asarini (Opisanie kartini) yozma tasvirlab berish.

2-shart. Test.

3-shart. Monolog

Yakuniy natijalar  10-mart kuni e’lon qilindi.

Toshkent farmatsevtika institutida  rus tili fanidan respublika 1-bosqich Olimpiadasi natijalari:

1. Saidov S.- 92 ball
2. Mengliyeva SH.- 87 ball
3. Bazarov B.- 86 ball
4. Sharipova R.- 86 ball
5. Temirov J.- 80 ball
6. Nazarova F.- 75 ball
7. Adxamova M.- 74 ball
8. Xaytboyeva Z.- 49 ball
9. Alimuxamedova S.- 46 ball
10. Gulyamova D.- 43 ball

Tillar kafedrasi professor-o‘qituvchilari sanoat farmatsiyasi fakulteti 1-kurs 6/2 guruh talabasi S.S.Saidovni rus tili fanidan respublika 1-bosqich Olimpiadasi g‘olibi bo‘lgani va keyingi bosqichga yo‘llanma olgani bilan tabriklaydi.